Clippings Narratives Docutubes
„Docutubes“ или документарци прикажани во овој дел од веб-страницата се кратки филмови, во должина од 2 до 7 минути, направени од групи млади луѓе на работилници на осум локации низ Европа, по една во секоја од земјите партнери на RETOPEA: Брисел и Лувен. (Белгија), Гранада (Шпанија), Лондон (Англија), Мајнц (Германија), Скопје (Северна Македонија), Тампере (Финска), Тарту (Естонија) и Варшава (Полска). Првата работилница во Лувен се одржа во февруари 2020 година. Со доцнење поради пандемијата, остатокот се одржа во период од осумнаесет месеци помеѓу декември 2020 година и мај 2022 година.
Учесниците, претежно на возраст меѓу 13 и 18 години и работејќи во групи од тројца или четворица, беа замолени да направат кратки филмови за да ги изразат своите идеи за религиозната разноликост и толеранција, потпирајќи се на колекцијата исечоци на RETOPEA за идеи и инспирација. Некои од филмовите се однесуваат директно на исечоците од RETOPEA; други се под нивно влијание на поимплицитен начин. Младите користеа различни пристапи, вклучувајќи интервјуа со случајни минувачи или луѓе на нивните работни места, цртежи и натписи, истражување на нивните локални градски пејзажи и снимање музејски поставки. Им беа обезбедени Go-Pro камери и користеа различни софтверски пакети за уредување.
При гледањето и оценувањето на документарците, важно е да се знае дека работилниците овозможија ограничено време за снимање и монтажа. Учесниците беа охрабрени да гледаат на вежбата за правење филм не како на техничко совршенство, туку како на средство за развивање и артикулирање на сопствените идеи за религиозната толеранција и мир. И вие гледајки ги документарците, треба да им пристапите во истиот дух, односно да понудите поглед во идеите и искуството на примери од денешните млади Европејци и да ги инспирирате другите да го прифатат овој предизвик и да направат документарци. (За дополнителни информации и насоки за овој процес ве молиме погледнете го бесплатниот онлајн курс подготвен од The Open University: Young People and Religion: Creative Learning with History)
