Минато во иднина
Даут Пашиниот амам во Скопје е многу важен споменик на исламската култура. Се наоѓа на влезот на Старата Чаршија под скопското Кале. Со својата локација во центарот на старото градско јадро, овој исламски споменик игра двојна улога. Однадвор ни дава поглед врз минатото, додека одвнатре ни ја прикажува модерната уметност.Амамот бил изграден во втората половина на 15тиот век како бања за мажи и жени. Според легендата, амамот никогаш не проработел бидејќи најмладата ќерка на Даут Паша била гризната од змија и умрела. Пашата ова го разбрал како знак од Бога, бидејќи амамот бил изграден врз темелите на Христијанска црква која тој наредил да ја срушат. Во вековите кои следеле, амамот бил користен како склад, а по катастрофалниот земјотрес во 1963 година тој бил повторно вратен во својата поранешна слава.
Задно со Чифте амам (Двојната бања) тие се два објекта кои се дел од Националната Галерија на Македонија. Првата изложба во 1951 година била колекција на Македонски икони, како и делата на уметниците од Југославија. Покрај големиот број на изложби, во нив се одржуваат и бројни музички настани.