Париски мировни договори: Договор за мал Версај (# 1)

На 28 јуни 1919 година, истиот ден кога бил потпишан Версајскиот договор, Полската делегација на Париска мировна конференција склучила спогодба, позната и како Малиот Версајски договор или Договор на полското малцинство. Овој договор бил изготвен врз основа на препораките на Комитетот на новите држави. Како услов за признавање на новата полска држава, полската влада „мораше да им гарантира на одредени права на своите малцинства: еднаквост пред законот, слобода на религија и право на одредени облици на колективно организирање во сферата на културата и образованието“. Малиот Версајски договор станал модел за 13-те малцински договори кои беа склучени по Париската мировна конференција.

Париската мировна конференција се одржа во 1919 година во Версај. Конференцијата беше насочена кон утврдување на условите за мир меѓу двете завојувани страни од Првата светска војна - победничките сојузнички сили и поразените Централни сили. Конференцијата започна на 18 јануари 1919 година и во голема мерка се сметаше за преседан во создавање на новиот, повоен поредок.По завршувањето на Првата светска војна, во новосоздадената Република Полска, околу една третина од вкупното население биле припадници на националните малцинства. Меѓу овие малцински групи, главно доминираа православните христијани, Евреите, калвинистите и лутеранските протестанти. Наспроти ова, полскиот римокатолизам, како религиозна вероисповест на мнозинската група, имал примат во новата република. Согласно полскиот устав од 1921 година, „римокатоличката религија, како религија на преовладувачкото мнозинство на нацијата, го зазема првото место меѓу религиите во државата“.

20 ви век

Европа, Полска, Франција

50.983333 / 11.316667

Париски мировни договори

Minorities Treaty between the Principal Allied and Associated Powers (the British Empire, France, Italy, Japan and the United States) and Poland, signed at Versailles (28 June 1919).

Yes

Naum Trajanovski