Louvre Museum: Pottery
Овие керамички предмети и објаснувањето под нив се од музејот Лувр. Во повеќето исламски колекции во музеите, има широка колекција на предмети од грнчарија. Овие предмети беа важни за муслиманските општества, не само во однос на уметничкиот израз, туку и од економски причини и од аспект на секојдневната употреба. Тие беа користени за складирање, во трговијата и беа направени да изгледаат убаво. Техниките со кои се изработени овие артикали биле под влијание на различни култури. Изгледот и боите биле под влијание на кинеската, иранската, индиската и турската империја.
Иако уметноста на овие предмети е различна од она што сме навикнати да гледаме во европската уметност, како што се слики и скулптури, за нас е важно да ја разбереме исламската уметност. Наспроти функционалниот аспект на овие елементи, тие исто така ни овозможуваат да ги следиме споделените култури во исламскиот свет и начините на кои културите влијаат едни врз други. Тие се важна алка во исламската културна меморија.
Постои тенденција од посетителите на музеите за генерализирање на муслиманската уметност како иста работа без оглед на географските и културните разлики, но секако, секоја поставка има свои специфични карактеристики и претставува посебна поставка. Историчарите на уметноста и кураторите на музеите можат да лоцираат кога и каде биле направени овие предмети, според уметничките стилови, па дури и според квалитетот на бојата. Ова укажува на тоа дека не само што различните култури комуницирале едни со други, туку следеле и различен технички и уметнички развој.