Еврејски музеј во Берлин: „Добредојдовте во Ерусалим“
Ерусалим е местото за присуството на Бога за трите главни религии во светот - јудаизмот, исламот и христијанството. Нивните главни религиски светилишта се наоѓаат на истиот рид. За секоја од религиите, нивните религиски светилишта се поврзани за настани кои сведочат за Божјата заштита над нивниот народ. За Евреите, карпата била местото на поврзувањето помеѓу Авраам и Бог и местото каде што стоел нивниот храм. Христијаните веруваат дека тоа било местото на распнувањето и воскресението на Христос. За муслиманите, тоа е местото на воздигнувањето на Мухамед кон рајот. Оваа заедничка идеја за т.н. „карпа на спасението“ укажува на вообичаените корени на трите религии.Сепак, овој интерес за истиот простор кој се смета за „свет“, иницирал и многу конфликти. Низ вековите, различни верски групи, народи и земји се натпреварувале за контролата на Ерусалим. Значи, како и светот како целина, така и Ерусалим во исто време е место на спротивставени политички интереси.
Исклучување и дискриминација: Еврејските музеи кои се спротивставуваат на стереотипите и кои ги објаснуваат механизмите за исклучување и дискриминација.
Еврејските музеи во Европа претставуваат перспектива на малцинството кое со векови се третирало како инфериорно во христијанското општество. Иако Евреите честопати сé толерираа, сепак, самото нивно присуство често се перцепирало како закана. Најразличните дистрибуирани стереотипи и предрасуди, ги покажувале Евреите во негативен контекст. Тие биле изложени на исклучување и дискриминација што понекогаш иницирало и прогони и насилство. Во XX век, најголем дел од европските Евреи загинале во холокаустот, како последица на расната омраза која еволуирала од претходните случувања и процеси. Еврејските музеи се спротивставуваат на овие антисемитски стереотипи и конфликти од минатото, објаснувајќи ја нивната генеза и механизми. Тие ги претставуваат мошне негативните последици од религиозната нетолеранција, национализмот и расизмот. Предавајќи лекции од историјата, тие се борат со предрасудите, промовираат толеранција и ги отвораат луѓето кон културна разноликост.