Сефардски музеј во Толедо: Стилот на Мудејар како симбол на соживот на културите
Synagogue del Tránsito (Транзитната синагога) во Толедо, е прекрасен пример за Mudéjar стилот. Овој стил е одличен пример за мултикултурна размена во средновековна Шпанија. Се засновал врз примената на традиционалните исламски елементи во немуслиманската, обично христијанска, архитектура. Негова главна карактеристика е украсот од гипс кој што ги покрива ѕидовите, на начин што тие добиваат карактеристики и евоцираат изглед на ткаенини, дрвени покриви и мавритански лакови. Орнаментиката вклучува геометриски и вегетативни форми и калиграфија.Во Толедо овие елементи се применуваат на еврејска синагога, со отворен молитвен простор, женска галерија и Тора Арка. Натписите се претежно напишани на хебрејски и на арапски јазик.
Евреите кои со векови живееле под муслиманите, а подоцна живееле во христијанските кралства, иmale значајна улога во пренесувањето на некои елементи на муслиманската уметност, литература и кујна низ христијанска Шпанија и Европа.
Соживот: Еврејските музеи како потсетници на вековното еврејско присуство и соживот во рамките на локалното население
Еврејските музеи во Европа ја изразуваат потребата за помирување на европските општества со нивните тешки еврејски истории и за „рушење” и надминување на тишината која го опкружувала холокаустот. Тие, исто така ја претставуваат и перспективата на малцинството кое многу векови е присутно во европската историја и култура. На овој начин тие не потсетуваат на мултиетничкото минато на некои земји или региони. Нивните изложби ја претставуваат еврејската историја како дел од локалната историја. Притоа, тие паралелно го потенцираат соживотот кој опфаќа периоди на мирна соработка и меѓусебно влијание, но и периодите на конфликти и кризи. Исто така, го покажуваат и посебниот карактер на еврејската култура на одредено место. Наративот на еврејските музеи има за цел да ја развие светста кај посетителите за идејата за културната разноликост и толеранција